22 de xullo de 2021: Baile, instrumentos tradicionais, música en vivo,...

Hoxe cambiamos de tercio; fixemos unha achega ás raíces galegas porque a profe Ana ensinounos baile tradicional e veu cargada de instrumentos para iniciarnos no seu coñecemento.

E fomos quen de bailar e tamén de tocar a pandeireta, o pandeiro, as culleres, a flauta...

Houbo tempo para xogos como o bingo que argallaron as profes Ana e Nerea e para terminar as nosas obras de arte feitas coa madeira.

Rematamos a xornada cunha festiña que contou coa actuación do grupo de música tradicional "As da Chispa" formado pola profe Ana mais Carmen e Raquel. 

Que ben o pasamos e que agradecidos quedamos!! Son unhas artistazas!! Que sorte tivemos poder disfrutar de música en vivo e en directo!!

Escoitade a música de fondo do vídeo...

13 de xullo de 2021: Centrados na música

 Hoxe case todo "xirou" arredor da música. 

Comezamos con ritmos, xa sabedes... unha sucesión regular de sons fortes e débiles de xeito recurrente, regular, medido e controlado.

Seguimos cuns bailes para continuar cun obradoiro de creación de instrumentos musicais. 

E como cada martes, un grupiño vai á piscina para disfrutar coa auga.

Xa vedes que non temos tempo de aburrirnos porque tamén fixemos xogos cooperativos!!

E coma sempre... unhas imaxes en movemento para resumir o día<.

12 de xullo de 2021: Taller de cociña, actividades grupais, ...

 Quedamos con bo sabor de boca da semana pasada e comezamos esta traballando de novo na cociña; mellor que traballando, deberiamos dicir que disfrutando co que facemos.

O mellor, despois "zampamos" as nosas obras: Tarta de queixo que acompañamos de batido de oreo. Todo boísimo!!! Non o sabedes ben!!

Despois reunímonos no patio para desenvolver variadas actividades grupais. Aínda enedamos un bo rato.

 

 

8 de xullo de 2021: Musicoterapia, pintura creativa, ...

 Un novo día con experiencia sensorial. Tocou, nunca mellor dito, musicoterapia!! A profe Adriana utilizou os sons para facilitar a nosa aprendizaxe, estimular a comunicación, o movemento, a expresión, ...

 

 

 

Creamos obras de arte, pero non empregamos pinceis; nesta ocasión ás profes ocorréuselles que o podiamos facer con pintura e bastoncillos dos oídos; e fomos quen de de facelo. Somos uns artistiñas!!

 

Houbo piscina para o terceiro grupo e rematamos coa película "Luca". Mirade o vídeo para saber máis da nosa xornada.

 

7 de xullo de 2021: Piscina, creatividade, ...

 Unha xornada con novidades, ... coma sempre. Cada día, sorpresa, sorpresa!!!

Hoxe amasamos, pero non para comer! Amasamos pasta de sal coa profe Nerea e deixamos voar a nosa imaxinación para modelar obxectos. 

Xa sabedes que a nós gústanos moito manchar as mans!! E vemos que a nosa profe tamén! 

Botade unha ollada 👀

 

Tamén tocoulle piscina a outro grupo que difrutou do lindo na auga. 

 

 

Completamos o día con xogos cooperativos.

Unhas imaxes para que descubrades o ben que o pasamos.

6 de xullo de 2021: Ioga, Piscina, ...

Hoxe os máis madrugadores comezamos mostrando as nosas dotes artísticas cos pinceis.

Despois, e da man da profe Silvia, tocou ioga; xa sabedes, a técnica de reflexión e exercicio físico procedente da India que ten como finalidade chegar a un perfecto dominio do espírito e do corpo.

E iniciándonos no mindfulness que mellorará a nosa capacidade de atención.

Estivemos moi concentrados cadaquén no seu lugar.

Tamén foi o noso primeiro día de piscina no Campamento. Imos por grupos, así que xa veredes outro día aos demais.

Un pouquiño de todo nesta montaxe:

5 de xullo de 2021: Taller de Cociña "Empanadillas"

 Unha nova xornada para aprender cousiñas, divertíndonos a tope!

Hoxe tocou cociña. E fixemos empanadillas.

As empanadillas son unha elaboración moi popular. Pero as nenas e os nenos eleváronas de categoría xa que non seguiron o camiño máis fácil senón que as fixeron dende cero: masa e recheo todo a man.

As imaxes din: Cómeme!!!

E un vídeo ilustrativo dos pasos a seguir, con receita e todo; nel veredes que tamén tivemos tempo para xogar.