Na Escola de Verán as rapazas e os rapaces rematan a semana empregando a pintura dun xeito diferente.
A profe Tere argallou uns obradoiros moi interesantes!!
Comezaron facendo tatuaxes moi variados.
Hoxe cambiamos de tercio; fixemos unha achega ás raíces galegas porque a profe Ana ensinounos baile tradicional e veu cargada de instrumentos para iniciarnos no seu coñecemento.
E fomos quen de bailar e tamén de tocar a pandeireta, o pandeiro, as culleres, a flauta...
Rematamos a xornada cunha festiña que contou coa actuación do grupo de música tradicional "As da Chispa" formado pola profe Ana mais Carmen e Raquel.
Que ben o pasamos e que agradecidos quedamos!! Son unhas artistazas!! Que sorte tivemos poder disfrutar de música en vivo e en directo!!
Escoitade a música de fondo do vídeo...
Un novo día e unha morea de novidades!!
Participamos nunha xincana, ou sexa, un circuíto no que había múltiples probas que superar.
A verdade é que tivemos a ocasión de manipular un montón de materiais diferentes con texturas variadas.
Tamén creamos unhas pinzas comellonas e fixemos arte con madeira.
E como cada mércores, outro grupo foi refrescarse á piscina mentres desenvolvían as súas habilidades natatorias...
Colofón da mañá: sesión de maxia coa "Maga Paca" que sorprendeu coas súas habilidades.
Nesta xornada, un grupiño de nenas e nenos fixemos o camiño escolar guiados por Beni Bouzada, Técnico de Educación Viaria, membro de ATESUGAL-FETEVI. No traxecto lembramos por onde cruzar as rúas e como facelo con seguridade. Lino e Desi tiveron moito que ver.
Hoxe enredamos na cociña e elaboramos unhas cookies riquísimas; e non sabedes o máis curioso... tivemos que ir na procura da receita para poder comezar xa que nola tiñan agochada.
Como somos moi listiños, atopámola e puxémonos mans á obra cun resultado soboroso de verdade.
Botade unha ollada ás imaxes!
Xa sabemos que hoxe é domingo e non estamos de Campamento; mais é un día especial xa que as actividades que realizamos foron recollidas no Suplemento Vida de "La Región".
Mirade que guapiños saímos!!
E chegou o venres e con el os xogos de auga. Facía calor así que viñéronnos xenial para refrescarnos un pouquiño.
Houbo Obradoiro de Ciencia no que fixemos "slime"; xa sabedes, esa masa consistente, xelatinosa e elástica á que lle podemos dar forma ou sinxelamente, estirala, ... o que nos axudou a desestresarnos!!
E como complemento da xornada, celebramos o aniversario de Martín comendo unha tarta boísima...😋😋
